ပတ်ဝန်းကျင်ထိန်းသိမ်းရေးနှင့် သစ်တောကဏ္ဍဆိုင်ရာ အသိပညာဗဟုသုတကြွယ်ဝမှု၊ ကျွမ်းကျင်ပိုင်နိုင်မှုနှင့် ဝန်ဆောင်မှုများ ပေးစွမ်းနိုင်သည့် အဆင့်မီတက္ကသိုလ်တစ်ခုအဖြစ် ရပ်တည်နိုင်ရန်ဖြစ်သည်။
သစ်တောနှင့်ပတ်ဝန်းကျင်ဆိုင်ရာ သုတေသနနှင့်ပညာရပ်များတာဝန်ယူဖော်ဆောင်ပေးရန်
သစ်တောနှင့်ပတ်ဝန်းကျင်ဆိုင်ရာ ပညာရပ်နယ်ပယ်တွင် အရည်အချင်းပြည့်ဝသော မျိုးဆက်သစ်များပေါ်ထွန်းလာစေရန်
သစ်တောနှင့်ပတ်ဝန်းကျင်ဆိုင်ရာကဏ္ဍတွင် လူသားအရင်းအမြစ်များဖွံ့ဖြိုးတိုးတက်ရေးကို အထောက်အကူပေးရန်
သစ်တောနှင့်ပတ်ဝန်းကျင်ဆိုင်ရာကဏ္ဍတွင် အရည်အချင်းပြည့်မီသောပညာရှင်များ မွေးထုတ်ပေးရန်
တက္ကသိုလ်သည် တစ်ဦးနှင့်တစ်ဦး အပြန်အလှန်လေးစားမှုနှင့်ပေါင်းသင်းဆက်ဆံရေး အလေ့အကျင့်ကောင်းများ မွေးမြူပေးရေး အပေါ်တွင်ရပ်တည်သည်။
တက္ကသိုလ်သည် လူမျိုး၊ ဘာသာ၊ အသားအရောင်၊ လိင်စိတ်နှင့် ယုံကြည်မှု စသည့် ခြားနားမှုများကို နားလည်လက်ခံသည့် ရပ်ဝန်းတစ်ရပ်အဖြစ် တည်ရှိရေးအပေါ်တွင် ရပ်တည်သည်။
တက္ကသိုလ်သည် သင်ကြားသင်ယူသူများ၏ ကိုယ်ကျင့်တရားနှင့်အညီဆောင်ရွက်မှု၊ စိတ်ဓာတ်ပိုင်းဆိုင်ရာ ရိုးသားမှုနှင့် မှန်ကန်သည့်လုပ်ဆောင်ချက်များကို အစဉ်အားပေးသည့် တက္ကသိုလ်တစ်ခုအဖြစ် ရပ်တည်သည်။
တက္ကသိုလ်သည် သင်ကြားသင်ယူသူများ၏ သက်ဆိုင်ရာ နယ်ပယ်အလိုက် ကောင်းမွန်သည့် အရည်အသွေးနှင့် ထင်ရှားသည့်ရလဒ်များကို မြှင့်တင်ပေးရေး အပေါ်တွင် ရပ်တည်သည်။
တက္ကသိုလ်သည် သင်ကြားသင်ယူသူများ၏ အတွေ့အကြုံ၊ အသိပညာတို့အပေါ်အခြေခံ၍ အမှန်တရားကို သိမြင်နိုင်သည့် အရည်အချင်းနှင့် ဝေဖန်ပိုင်းခြားနိုင်မှုကို ပျိုးထောင်ပေးသည့် အပေါ်တွင် ရပ်တည်သည်။
တက္ကသိုလ်သည် သင်ကြားသင်ယူသူများ၏ ဖန်တီးနိုင်စွမ်းနှင့် ဆန်းသစ်သည့် အတွေးအခေါ် ကောင်းများ ပေါ်ထွန်းလာရေး အစဉ်အားပေးသည့် တက္ကသိုလ်တစ်ခုအဖြစ်ရပ်တည်သည်။
တက္ကသိုလ်သည် သင်ကြားသင်ယူသူများ၏ ဘဝတစ်လျောက် စူးစမ်းလိုစိတ်နှင့် လေ့လာလိုစိတ်ကို ထောက်ပံ့ပေးသည့် တက္ကသိုလ်တစ်ခုအဖြစ်ရပ်တည်သည်။
တက္ကသိုလ်သည် မည်သူတစ်ဦးတစ်ယောက်အပေါ်တွင်မျှ ၎င်းတို့၏ ဖြစ်တည်မှုကိုလိုက်၍ ခွဲခြားဆက်ဆံခြင်းမပြုဘဲ တန်းတူညီမျှမှုနှင့် သာတူညီမျှမှုရှိစွာဆက်ဆံသည့် ရပ်ဝန်းတစ်ခုဖြစ်ပေါ်လာရေး အပေါ်တွင်ရပ်တည်သည်။